ads

ad

3rd Sem, SEC-1 (पत्रलिखनम्)--1


3rd Sem, SEC-1 (पत्रलिखनम्)--

1. तव जीवनस्य उद्देश्यं ज्ञापयित्वा पितुः समीपं पत्रं लिखत।

                      श्री श्री हरिशरणम्
                                                                                                                           चलितेयं पत्री यादवपुरतः
                                                                                                                           १२. १२. २०१८ दिनाङ्के
                                                                                            (ख्राष्टीये अष्टादशोत्तर-द्विसहस्राब्दे                                                                                              डिसेम्बरमासस्य द्वादशतमे दिवसे)

स्वस्ति, श्रीपरमाराध्य-पितृदेव-पादपद्मेषु साष्टाङ्गं प्रणम्य
सविनयं निवेदनमेतत्—

तातपाद,
बहुकालात् परं तत्रभवतः सकाशात् पत्रमेकं प्राप्य मनसि मे अमन्दमानन्दम् अनुभवामि। प्रथमतः कृपया गृह्णन्तु मे प्रणामपर्यायम्। मातृ-देव्याः पादपद्येऽपि मया भक्तिपूर्णं प्रणामं प्रदीयते। अन्तिमपरीक्षायाम् उत्तीर्णात् परं मया शिक्षकतायाः वृत्तिः ग्रहणीया इति विवेचितम्। शिक्षा एव जातेः मेरुदण्डः। छात्राः देशस्य भविष्यतः नागरिकाः। सुष्ठु शिक्षादानेन तान् देशसेवायाम् उपयुक्तान् कर्तुं मे प्रयासः भविष्यति। तदर्थम् आदर्श-शिक्षकरूपेण अहम् आत्मानम् निर्मातुमिच्छामि। अधुना सामाजिकक्षेत्रे यद् अवक्षयं प्रचलति, कथञ्चित् तन्निवारणार्थमपि मया यतितव्यम्। शिक्षाप्रतिष्ठानमेव एकमात्रं क्षेत्रं यत्र नीति-नैतिकता-शिक्षादानेन छात्राणां चरित्रगठनस्य अवकाशः अस्ति। कार्यमिदं कठिनं, तथापि अस्मिन्नेव कर्मणि आत्मानं नियोजयितुम् इच्छामि। क्षमस्व मे बालचापल्यमिति शम्।

                   भवतः स्नेहधन्यः पुत्रः / स्नेहधन्या कन्या
                                                                                                                     पवित्रः      /    नन्दिनी

पत्रसंकेतः--
प्रापकः-- श्री प्रदीपः वर्मणः
ग्रामः—यात्रापुरम्
प्रेषालयः—राजारहाटः
मण्डलम्—कोचविहारः।


12.   पूजावकाशः त्वया कथं यापितः इति ज्ञापयित्वा मित्रसमीपं पत्रं लिखत।


                         श्री श्री हरिशरणम्
                                                                                            
                                                                                                                   चलितेयं पत्री माथाभाङ्गातः
                                                                                                                       १२. १२. २०१८ दिनाङ्के
                                                                                  (ख्राष्टीये अष्टादशोत्तर-द्विसहस्राब्दे                                                                                              डिसेम्बरमासस्य द्वादशतमे दिवसे)

स्वस्ति, अभिन्नहृदयेषु विज्ञप्तिरेषा,
प्रिय सखे, / प्रियसखि,
प्रथमतः आन्तरिकीं प्रीतिं शुभेच्छां च ज्ञापयामि। गुरुजनेभ्यः मम भक्तिपूर्णं प्रणामं निवेदयामि। अपि भवतां सर्वं कुशलम्? पूजावकाशः मया कथम् अतिवाहितः इत्यस्मिन् विषये भवता ज्ञातव्यमासीत् पूर्वस्मिन् पत्रे। अद्य भवन्तं तद्विषये एव ज्ञापयामि। सखे, पूजावकाशः मया ग्रामे एव अतिवाहितः। मम ग्रामस्य पार्श्वे ʻमानसाइʼ इति नदी प्रवहति। तस्याः तीरं शरत्काले शुभ्रैः काशकुसुमैः अपूर्वं सौन्दर्यमण्डितं जायते। शरत्काले नद्याः निर्मले जले प्रतिविम्बितं च तत् अपरूपां शोभामावहति। प्रातः सायं च नदीतीरे व्रजित्वा एव मम समयः व्यतीतः।
दुर्गापूजायाः सप्तमीतः नवमी-पर्यन्तम् इति दिवसत्रयं नवेन परिच्छदेन सज्जीभूय माथाभाङ्गा-नगरम् आगत्य महता आनन्देन मण्डपात् मण्डपान्तरं प्रतिमादर्शनम्, प्रसादग्रहणम्, बान्धवैः सह शुभेच्छाविनिमयः, क्लान्तः सन् विश्रम्य विश्रम्य पुनः गमनम्, क्वचित् सर्वे मिलित्वा भोजनम्, ततः गृहं प्रत्यावर्तनम् इत्येवंरूपेण मया व्यतीतम्। कालीपूजायां गृहं मृत्प्रदीपैः सह वैद्युतिकालोकैः सज्जीकृतं मया। बहवः आत्मीय-स्वजनाः अस्माकं गृहं समागता। तैः सह अमन्दमानन्दम् अनुभूतं मया।
सखे, जानाति भवान् यत्, उत्सवप्रियाः खलु मनुष्याः। उत्सवान्ते सर्वैः सह अहमपि विषादग्रस्तः जातः। पूजावकाशात् कियद्दिनात् परमेव अस्माकं परीक्षा। प्रस्तुतिः न आशानुरूपा। तद्विषये चिन्तान्वितः अहम्। अत्रत्य सर्वं कुशलम्। भवता कथमतिवाहितः? उत्तरपत्रिकायां कुशलादिकं प्रदेयमिति शम्।

                                                                                       भवदीयः सखा / भवदीया सखी
                                                                                                              रमाकान्तः  /   स्नेहा 

पत्रसंकेतः--
प्रापकः--
श्री अनिर्वाणः दत्तः / निवेदिता रायः
ग्रामः—आनन्दपुरी,
प्रेषालयः—व्याराकपुरम्,
मण्डलम्—२४ परगणा।

                                                                


3.   तव महाविद्यालयस्य कस्यचित् सांस्कृतिकानुष्ठानस्य विवरणं प्रदाय मित्रसमीपं पत्रं लिखत।

                                                     
                       श्री श्री दुर्गाशरणम्

                                                                                                                   चलितेयं पत्री कोचविहारतः
                                                                           
                              १३. १२. २०१८ दिनाङ्के
                                                                                                             (ख्राष्टीये अष्टादशोत्तर-द्विसहस्राब्दे                                                                                       डिसेम्बरमासस्य त्रयोदशतमे दिवसे)

स्वस्ति, अभिन्नहृदयेषु विज्ञप्तिरेषा,
प्रिय मित्र / प्रियसखि,
प्रथमतः, आन्तरिकीं प्रीतिं शुभेच्छां च गृह्णातु। गुरुजनेभ्यः मम भक्तिपूर्णं प्रणामं निवेदनीयम्। बहुकालं यावत् भवतः कापि वार्ता न प्राप्ता मया। अपि भवतां सर्वं कुशलम्? विगते सेप्टेम्बरमासि अस्माकं महाविद्यालये सुवर्णजयन्ती-समारोहोद्यापनोपलक्षे एकं मनोज्ञम् सांस्कृतिकानुष्ठानम् आयोजितम्। अतीव मनोहरमासीत् तदनुष्ठानम्। अतः तद्विषये किञ्चिद् विज्ञापनाय प्रलुब्धस्य ममेदं पत्रम्। माथाभाङ्गा-नगरस्थितात् सि-टिम-नामकात् प्राङ्गणात् आरभ्य एका वर्णाढ्या शोभायात्रा समग्रं नगरं परिक्रम्य महाविद्यालये समाप्ता। ततः अनुष्ठानमञ्चे प्रारम्भाकिनुष्ठानं प्रारब्धम्। महाविद्यालयस्य माननीयः अध्यक्षमहोदयः सभापतिरूपेण, तथा पश्चिमबङ्गस्य माननीयः वनमन्त्री प्रधानातिथिरूपेण आसनम् अलङ्कृतवन्तौ। अन्ये च विशिष्टाः गुणिजनाः विशेषातिथिरूपेण उपस्थिताः। प्रदीपप्रज्ज्वलनेन अनुष्ठानस्य सूचना जाता। अध्यक्षमहोदयस्य स्वागतभाषणादनन्तरं वनमन्त्रिणः भाषणम्, ततः अन्यैरप् विशिष्टजनैः संक्षिप्तं भाषणं प्रदत्त्म्। प्रथमदिवसद्वये प्रथमार्धे  महाविद्यालयस्य छात्रछात्राभिः, अध्यापकाध्यापिकाभिश्च नाट्याभिनय-गान-कवितावृत्ति-हास्यकौतुकादिभिश्च अतीव मनोमुग्धकरम् अनुष्ठानम् उपहारीकृतम्। प्रतिदिनम् द्विचीयार्धे स्थानीय-शिल्पिनाम्, असम-प्रदेशस्य, तथा बांलादेशस्य शिल्पिनां कण्ठसङ्गीतम्, यन्त्रसङ्गीतम्, नृत्यानुष्ठानं च अनुष्ठितम्। तृतीये दिवसे कलकातास्थितस्य विशिष्टस्य गायकस्य रूपङ्कर वागची-महोदयस्य सङ्गीतानुष्ठानम् आसीत्। तस्य सावलीलभङ्या उदात्तकण्ठेण सुमधुर-सङ्गीत-परिवेशनेन वयं सर्वे आमोदिताः। अद्यापि तस्य सुरमाधुर्यं गुञ्जति कर्णकुहरे। सामग्रिकभावेन अनुष्ठानं सार्थकं जातम्।
अत्रत्य सर्वं कुशलम्। भवतामपि कुशलम् आशंस्ये इति शम्।

                                                                          भवदीयः प्रियसखा / भवदीया प्रयसखी
                                                                                      प्रदीपः  / शिखा

पत्रसंकेतः--
प्रापकः--
श्री अतीन्द्रः पालः / शान्ता दासः
प्रेषालयः—बहरमपुरम्,
मण्डलम्—मुर्शिदावादः।


4.  नववर्षस्य शुभेच्छां ज्ञापयित्वा मित्रमुद्दिश्य पत्रमेकं रचयत।

                                                    
                         श्री श्री दुर्गाशरणम्
                                                                                                                                                                                                          चलितेयं  पत्री कोचविहारतः
                                      १४. १२. २०१८ दिनाङ्के

स्वस्ति, अभिन्नहृदयेषु विज्ञप्तिरेषा,
प्रिय मनोज,
अद्य शुभः नववर्षः। १४२६ बङ्गाब्दः। नववर्षस्य अस्मिन् शुभे प्रभाते भवन्तम् आन्तरिकीं प्रीतिं शुभेच्छां च ज्ञापयामि। पुण्यलग्नोऽयं सर्वेषां कृते शुभां वार्ताम् आवहति। सूर्यालोके, आकाशे, वायौ च नव-नवाश्वासवाणी ध्वन्यते।। मानवानां हृदयमद्य आनन्दगीतेन पूर्णम्। नानानुष्ठानेन वर्षवरणं प्रचलति। नव-नव-परिच्छदेन सज्जीभूय गणेशदेवस्य आराधनं कुर्वन्ति व्यवसायिनः। प्रतिगृहम् उत्तमाहाराणाम् आयोजनं भवति। सर्वे परस्परं कुशल-विनिमयं कुर्वन्ति। अस्मिन् आनन्दयज्ञे भवतः अपि आमन्त्रणम्।
भवतः नववर्षस्य प्रतिदिनमेव शुभं, मधुमयं च भवतु। नववर्षः भवतः सर्वसफलतायाः वाणीम् आवहतु, जीवने च अमन्दमानन्दम् आवहतु इति शम्।

                                                                                                                     भवदीयः   प्रियसखा / प्रियसखी
                                                                                                                          विनायकः  /  सुप्रिया

पत्रसंकेतः--
प्रापकः--
श्री मनोजः रायः / नीला चक्रवर्ती
प्रेषालयः—८ वि वासस्ठ्याण्ड, यादवपुरम्,
मण्डलम्—कलकाता-३२.

Comments

Ads

Popular

১. প্রাচীনভারতীয় আয়ুর্বেদশাস্ত্র (Medical Science), ২. বাস্তুশাস্ত্রম্‌ (C-8, Unit II: Scientific and Technical Literature)

3rd Sem, SEC-1, Usage of words in day-to-day life-1

বহুল ব্যবহৃত কিছু ইংরেজি শব্দের সংস্কৃত প্রতিশব্দ—